بسم الله بيها نبدا

سيدي أحمد ليضوي دايم=
في الدهر الفايت والقايم
سعد اللي في حبو هايم=
تتمحى عنو لوزار
كانو قاعد ولاّ نايم=
حسناتو تجيه بالقنطار
***
حسناتو كل يوم في ازيادة=
بلا عمل ولا عبادة
ايموت منظف عالشهادة=
ما يخافش من صهد النار
لاجل محبتو في القيادة=
التجاني معدن الاسرار
***
محبة سيدي أحمد يالتسمع=
خير الدنيا والآخرة تجمع
حتى في اقرابك تشفع=
لِمَا يسبوش خاتم لذكار
اكل في جملة ليهم اتطّلع=
للجنة بساتين واخضار
***
كل من حبو يعيش سعيد=
في الوظيفة عندو عيد
بالفاتح ايوَرّدْ توريد=
تجلي عنو في لكدار
هذا من فضل المجيد=
موت بغشك يا نكّار
***
والله ما كاين سية=
على اللي يقروا في الفاتحية
من عند المولى هدية=
لحبات الصِّيد القحطار
ويح الكذب في المزية=
كرّوا ابليس مع الكفار
***
ويح اللي بغضوك يا بابايا=
مسكنهم قلب الشوايا
ايجيهم راكب الطّوّايا=
المهدي هاز معاه منشار
اينح علينا هاللحايا=
إِلتكذب عاالرّب الجبار
***
اللحية داروا بيها سبّة=
وقالوا سنة سيد الطلبة
زيد معاها قصف الجبة=
هذي من السنن لكبار
أمّا حب أحمد بوعذبة=
ذاك محرم في الاثار
***
نحدث في ليفهم معنايا=
ويفسروا واش قالت الآية
على اللي يسبوا في لولايا=
قالوا تعبد في لحجار
قاولوا الفايدة في الصّلايا=
في الجامع وقت الافجار
***
انساو كلام رب البرية=
انحارب من ياذي لوليا
لو يعبد صبحة وعْشية=
في الكعبة تحت الستار
يبكي ودموعو مجرية=
ما خصّوش من صهد النار
***
غدوة يحضر عند المُولى=
يقلو اعمالك مش مقبولة
تاذي في سلطان لفحولة=
التجاني الصيد القحطار
جهنّمَ ليك محلولة=
أدخل فيها فنّي لعمار
***
يبكوا ما ينفعش ابكاهم=
لا يلقوا فكّاك امعاهم
عن لحميدي ربي اعماهم=
سابقلهم قعدة في النار
بن جلاّب يفرح بلقاهم=
وابو جهل ليهم جار

- كثر خير الشيخ -

اووووووو مدحه روووووووووووووووووعه شكرااااااااااااااااااااااااااااا